“Yay Günəş duruşu günü” mövzusunda elmi-praktiki seminar - FOTOLAR
AMEA Naxçıvan Bölməsinin Beynəlxalq əlaqələr və informasiya şöbəsindən NUHÇIXAN İnformasiya Agentliyinə bildirilib ki, Bölmənin Batabat Astrofizika Rəsədxanasında baş tutan elmi-praktiki seminar “Yay Günəş duruşu günü” mövzusunda keçirilib.
Tədbirdə rəsədxananın direktoru, fizika-riyaziyyat üzrə fəlsəfə doktoru, dosent Qulu Həziyev iyun ayının 21-ə təsadüf edən astronomik hadisədən danışıb.
Sonra rəsədxana əməkdaşlarından Türkan Məmmədova, Ülvi Vəliyev və Ruslan Məmmədovun məruzələri dinlənilib. Məruzəçilər Yerin Günəş ətrafında hərəkətinin xüsusiyyətləri və Yer kürəsində fəsillərin əmələ gəlməsi barədə iştirakçılara geniş məlumat veriblər.
Diskussiya şəklində keçən tədbirdə çoxsaylı suallar cavablandırılıb.