Sərtləşdirilmiş xüsusi karantin rejimi günlərində onlayn imtahan, müsabiqə və müsahibələr davam edəcək

İyunun 21-dən iyulun 5-dək Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində tətbiq olunacaq sərtləşdirilmiş xüsusi karantin rejimi günlərində təhsil müəssisələrində onlayn imtahan, müsabiqə və müsahibələr davam edəcək.

NUHÇIXAN İnformasiya Agentliyi xəbər verir ki, bunlar Baş Nazir Əli Əsədovun Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə imzaladığı Qərarda əksini tapıb.