“Vikipediya”da hərbi mövzuda yüzlərlə məqalə yaradılıb
Azərbaycan Milli Elmlər Akademiyası Mərkəzi Elmi Kitabxanasının (MEK) “Vikipediya” könüllüləri tərəfindən doğma dilimizdəki “Vikipediya”da bu günə qədər hərbi və vətənpərvərlik mövzularında üç yüzdən çox məqalə yaradılıb.
MEK-dən NUHÇIXAN İnformasiya Agentliyinə bildirilib ki, məqalələrdə Azərbaycanın görkəmli hərbçiləri haqqında maraqlı məlumatlar əks olunub. Eyni zamanda, “Vikipediya”nın digər xarici dil bölmələrində Milli qəhrəmanlarımız haqqında yüzlərlə məqalə yaradılıb.
Qeyd edək ki, Azərbaycan dilindəki "Vikipediya"da məqalələrin sayı ümumilikdə 161 mini keçib.