Ümumi təhsil müəssisələrində təhsil alan birinci sinif şagirdlərinin sayı açıqlanıb

Tədris ilinin əvvəlinə Azərbaycanda dövlət və qeyri-dövlət əyani ümumi təhsil müəssisələrində (sağlamlıq imkanları məhdud uşaqlar üçün xüsusi məktəblər və internat məktəbləri, siniflər istisna olmaqla) birinci sinif şagirdlərinin sayı 161 min 400 nəfər olub. Onlardan 82 min 400-ü oğlan, 79 mini isə qızlardır.

NUHÇIXAN İnformasiya Agentliyi xəbər verir ki, bu məlumat Dövlət Statistika Komitəsinin “Azərbaycanda uşaqlar” adlı məcmuəsində əks olunub.

Rəsmi nəşrdə bildirilir ki, bundan əlavə, 2019-2020-ci tədris ilində birinci sinif şagirdlərindən 159 min 600-ü dövlət, 1760-ı isə qeyri-dövlət ümumi təhsil müəssisələrində təhsil alıb.