Rezidenturaya qəbul imtahanının II mərhələsinə hazırlaşan namizədlərin nəzərinə
Dövlət İmtahan Mərkəzi (DİM) otk.az portalına rezidenturaya qəbul imtahanının II mərhələsi (ixtisas fənləri üzrə biliklərin qiymətləndirilməsi) üzrə yeni variant onlayn sınaq imtahanı əlavə edib.
Namizədlər imtahana DİM-in saytında yazıla bilərlər.
Mərkəzdən NUHÇIXAN İnformasiya Agentliyinə bildirilib ki, onlayn sınaq imtahanı vermək istəyənlər otk.az portalında qeydiyyatdan keçib və günün istənilən vaxtında biliklərini yoxlaya bilərlər.
Onlayn imtahan başa çatan kimi nəticələri əldə etmək, yenidən test tapşırıqlarına baxmaq, onları təhlil etmək, cavabları düzgün cavabla müqayisə etmək olar.
Portalda qeydiyyatdan keçmək və imtahana yazılmaq qaydaları ilə otk.az-ın “Təlimatlar” bölməsində tanış olmaq mümkündür.