Pedaqoji profilli ixtisasları bitirən 60 gənc ümumtəhsil məktəblərində işlə təmin olunub

NUHÇIXAN İnformasiya Agentliyi xəbər verir ki, Naxçıvan Muxtar Respublikası Təhsil Nazirliyi tərəfindən imtahanlarda müvafiq keçid balını toplayaraq ümumtəhsil müəssisələrinə vakant vəzifələrə işə qəbul edilən gənc kadrlarla görüş keçirilib.

Tədbirdə Naxçıvan Muxtar Respublikasının Təhsil naziri Rəhman Məmmədov yeni fəaliyyətə başlayan gəncləri təbrik edib, onlara yeni vəzifələrində uğurlar arzulayıb.

Tədbirdə təhsil nazirinin müavini Heyran Əhmədova yeni işə təyin olunan kadrlara əmək funksiyaları ilə bağlı ümumi məlumat verib. Bildirib ki, alman dili ixtisası üzrə 20 vakant yerə namizədlərdən 5-i,120 vakant vəzifə üzrə isə ən yüksək nəticə göstərən namizədlərdən 16-sı kitabxana müdiri,8-i kitabxanaçı, 9-u psixoloq,8-i laborant,1-i tərbiyəçi, 13-ü Uşaq Birliyi Təşkilatının rəhbəri olmaqla 60 nəfər işə qəbul olunub.

Tədbirdə yeni işə təyin edilən gənc kadrlara Təhsil Nazirliyi tərəfindən təlimat materialları verilib. Sonda isə gənc kadrlara ümumtəhsil müəssisələrində üzərlərinə düşən vəzifələrlə bağlı seminar keçirilib.

                                                                    Nurlana Əhmədova