Muxtar respublikanın ümumtəhsil məktəblərinin şagirdlərinə dərsliklər verilib - FOTOLAR
NUHÇIXAN İnformasiya Agentliyi xəbər verir ki, qarşıdan yeni dərs ili gəlməsi münasibətlə muxtar respublikanın ümumtəhsil məktəblərinin şagirdlərinə dərsliklər verilib.
Bu il muxtar respublikaya, ümumilikdə 234 min 368 kitab gətirilib ki, bunların 216 min 298-i dərs vəsaitləridir. Əlavə olaraq 94 adda 18 min 70 ədəd bədii ədəbiyyat nümunəsi gətirilib. Bunlardan 16 min 173-ü Azərbaycan, 1195-i rus, 702-si isə İngilis dilində olan bədii ədəbiyyat nümunələridir.
Yeni dərs ilinin gəlişi ilə əlaqədar Babək rayonunda da şagirdlərə pulsuz dərsliklər verilib. Babək şəhərindəki 1 nömrəli məktəbdə sosial məsafə gözlənilməklə dərsliklər şagirdlərə paylanılıb.
Babək şəhərindəki 2 nömrəli məktəbdə də şagirdlərə dərsliklər verilib. Qeyd edək ki, məktəbdə 253 şagird təhsil alacaq. 31 uşaq isə 1-ci sinifdə oxuyacaq. Dərsliklərin paylanması rayonun digər ümumtəhsil məktəblərində də həyata keçirilib.
Sədərək rayonunda da şagirdlər dərsliklərlə təmin olunublar.
Qeyd edək ki, dərsliklərin əvvəlcədən verilməsi tədris ili başlananadək şagirdlərin ümumi məzmunla tanış olmalarına köməklik edəcək.
Əbülfəz Dünyamalıyev