“Hüseyn Cavid əbədiyyəti” mövzusunda respublika elmi konfransı keçiriləcək
Oktyabrın 24-də AMEA-nın Hüseyn Cavidin ev-muzeyinin təşkilatçılığı ilə böyük dramaturq və şairin anadan olmasının 138 illiyinə həsr edilən “Hüseyn Cavid əbədiyyəti” mövzusunda Respublika onlayn elmi konfransı keçiriləcək.
Muzeydən NUHÇIXAN İnformasiya Agentliyinə bildirilib ki, konfransda elmi məruzə ilə iştirak etmək istəyən tədqiqatçılar oktyabrın 20-dək məruzələrinin tam mətnlərini [email protected] elektron ünvanına göndərə bilərlər.
Məruzələrin tərtibinə dair tələblərlə Hüseyn Cavidin ev-muzeyinin saytında tanış olmaq mümkündür.
Konfransdan sonra məruzələr toplusunun nəşri nəzərdə tutulur. Əlavə məlumatı (+994 12) 492 06 57 telefon nömrəsindən əldə etmək olar.