NDU-da Memarlar Günü münasibəti ilə sərgi təşkil edilib - FOTOLAR
NUHÇIXAN İnformasiya Agentliyi xəbər verir ki, memarlıq və mühəndislik fakültəsində baş tutan sərgidə çıxış edən universitetin rektoru Elbrus İsayev muxtar respublikada memarlıq sahəsində yaradılan imkanlardan danışıb.
Rektor bildirib ki, muxtar respublikada tikinti sektorunun yüksək templə inkişaf etməsi, şəhər və kəndlərdə yeni binaların tikintisi, köhnə binaların əsaslı şəkildə təmiri və yenidən qurulması bu sahənin inkişafına göstərilən diqqətin bariz nümunəsidir. Rektor gələcəyin memarlarını bu əlamətdar gün münasibətilə təbrik edib, belə sərgilərin keçirilməsinin tələbələrin gələcək perspektivlərinin dəyərləndirilməsində artan rolundan danışıb.
Fərdi sərgisi təşkil olunan Naxçıvan Muxtar Respublikası Memarlar Birliyinin sədri, Memarlıq kafedrasının müəllimi Heydər Əhmədov sərginin təşkilinə görə minnətdarlığını bildirib.
Sonda tələbələrə Memarlıq ixtisasına dair kitablar təqdim edilib, sərgiyə baxış olub.
Telli Mustafayeva