Naxçıvan Döyüş Şöhrəti Muzeyində açıq dərs keçirilib - FOTOLAR

Naxçıvan Muxtar Respublikası Təhsil Nazirliyinin mətbuat xidmətindən NUHÇIXAN İnformasiya Agentliyinə bildirilib ki, açıq dərs “Gənclərdə hərbi vətənpərvərlik və milli-mənəvi dəyərlərin təbliği” mövzusunda  baş tutub.

Naxçıvan şəhər ümumtəhsil məktəblərinin şagirdlərinin iştirak etdiyi dərsin keçirilməsində məqsəd şagirdlərin Azərbaycan xalqının milli dəyərlərinə sadiq, vətənpərvər gənclər kimi yetişməsi üçün onları maarifləndirməkdir.

Açıq dərsdə bildirilib ki, hazırda şanlı ordumuzun uğurlu əməliyyatları nəticəsində işğal altında olan torpaqlarımız düşməndən azad olunur. Ordumuzun uğurlu əməliyyatı bir daha təsdiq etdi ki, Azərbaycan mübarizə yolu ilə torpaqlarını azad etməyə qadirdir.

Daha sonra məktəblilər müxtəlif illərdə döyüş növbətçiliyinə qəbul edilmiş silah, texnika və qurğuları, “Mİ-8T” döyüş-nəqliyyat vertolyotu, tanklar, döyüş kəşfiyyat maşınları, eləcə də müxtəlif hərbi təyinatlı avtomobillərlə tanış olublar.