Bayraq mənliyimdir, bayraq kimliyim! - FOTOLAR

NUHÇIXAN İnformasiya Agentliyi xəbər verir ki, eyniadlı tədbir Naxçıvan Dövlət Universiteti Tarix-filologiya fakültəsinin auditoriya zalında baş tutub.

Tədbirdə ali təhsil ocağının rektoru Elbrus İsayev tədbir iştirakçılarını və bütün Azərbaycan xalqını Bayraq Günü münasibətilə təbrik edib. Vurğulayıb ki, 100 ildən artıq tarixi olan bayrağımız millətçiliyimizdə, mənəviyyatımızda mühüm rol oynayır. Ali Baş Komandanımız cənab İlham Əliyevin rəhbərliyi, müzəffər Ordumuzun gücü və xalqımızın sevgisi bu gün əldə olunan qələbələrin təməl daşıdır. Rektor onu da diqqətə çatdırıb ki, döyüşlərdə əldə etdiyimiz uğurlar nəticəsində işğaldan azad edilən torpaqlarımızda üç rəngli bayrağımız dalğalanır.

Sonra mövzu ilə bağlı çıxışlar dinlənilib.

Sonda tələbələrin qiraətində Azərbaycan bayrağına həsr olunan  şeirlər dinlənilib.

Telli Mustafayeva