“Naxçıvan” Universitetində istehsalat təcrübəsinin başlanğıc konfransı keçirildi - FOTOLAR
NUHÇIXAN İnformasiya Agentliyi xəbər verir ki, konfransda Naxçıvan Muxtar Respublikası Ali Məclisinin deputatı, "Naxçıvan" Universitetinin Tədris və tərbiyə işləri üzrə prorektoru, iqtisad üzrə fəlsəfə doktoru Hüseyn Bağırsoylu istehsalat təcrübəsinin əhəmiyyətindən və təcrübə qaydalarından danışaraq tələbələrə uğurlar arzulayıb.
Bildirib ki, istehsalat təcrübəsinə ali təhsil ocağının İqtisadiyyat və İdarəetmə fakültələrinin əyani şöbəsinin “İqtisadiyyat”, “Turizm və otelçilik”, “Mühasibat uçotu və audit”, “Beynəlxalq münasibətlər” və “Maliyyə” ixtisasları üzrə IV kurs tələbələri cəlb olunub.
Qeyd edək ki, “Turizm və otelçilik” ixtisasında təhsil alan tələbələr 7 həftə, digər ixtisaslarda təhsil alan tələbələr isə 6 həftə olmaqla, ümumilikdə 78 tələbə Naxçıvan Muxtar Respublikası Maliyyə Nazirliyində, İqtisadiyyat Nazirliyində, Azərbaycan Respublikası Mərkəzi Bankının Naxçıvan Muxtar Respublikasındakı İdarəsində, Turizm Departamentində, eləcə də Naxçıvan Muxtar Respublikası Dövlət Miqrasiya Xidmətində təcrübə keçəcəklər.
Seyfur Hacımuradov