Naxçıvanda imtahan başa çatıb

Dövlət İmtahan Mərkəzinin  bu gün birinci və dördüncü qruplar üçün keçirdiyi imtahanlar başa çatıb. NUHÇIXAN xəbər verir ki, Naxçıvan şəhərində imtahanlar 7 və 14 nömrəli tam orta məktəblərdə təşkil olunub. İmtahanlarda iştirak etmək üçün muxtar respublika üzrə  858 abituriyent qeydiyyatdan keçib.

Saat 11.00-da başlayıb 3 saat davam edən imtahana 82 nəzarətçi müəllim cəlb olunub.

Xatırladaq ki, ikinci və üçüncü ixtisas qrupları üzrə qəbul imtahanları iyulun 26-da keçiriləcək. Bütün abituriyentlərə buraxılış vərəqələrini əldə etmələri tövsiyə olunur.