“Elmi əsərlər” jurnalının “Təbiət və tibb elmləri” seriyası çapdan çıxıb

NUHÇIXAN İnformasiya Agentliyi xəbər verir ki, “Elmi əsərlər” jurnalının “Təbiət və tibb elmləri” seriyası üzrə 88 müəllifin 48 elmi məqaləsi nəşr olunub.  

Jurnalın  bu nömrəsində  Biologiya və aqrar elmlər, Kimya elmləri, Coğrafiya və Yer elmləri, Tibb elmləri adlı bölmələrdə elm və təhsil müəssisələrində çalışan əməkdaşların əldə etdiyi yeni elmi nəticələr öz əksini tapıb.

Beynəlxalq elektron elmi informasiya məkanına inteqrasiya olunmaq üçün jurnalın nömrələri onlayn şəkildə universitetin rəsmi internet saytında yerləşdirilir.

Qeyd edək ki, Naxçıvan Dövlət Universitetinin qarşıya qoyduğu əsas hədəflərindən biri mühüm elmi-tədqiqat nəticələrinin əldə olunmasında və təbliğində böyük imkanlara malik “Elmi əsərlər” jurnalının potensialından geniş istifadə etməkdir. Son illər jurnalın elm aləmində daha geniş təmsil olunması üçün nüfuzlu elmi təşkilatlarla əməkdaşlıq əlaqələri qurulur. Nəşr innovativ elmi nəticələrin əldə olunması baxımından ölkə səviyyəsində səmərəli elmi axtarışların aparılmasına etibarlı zəmin yaradır..

Səadət Əliyeva