Planet roveri "Perseverance" Mars səthində ilk məsafələrini qət edib
ABŞ-ın "Perseverance" (Əzmkarlıq) planet roveri enişdən sonra ilk dəfə Marsın səthinə kiçik məsafəni qət edib.
NUHÇIXAN İnformasiya Agentliyi TASS-a istinadən xəbər verir ki, bunu ABŞ Milli Aviasiya və Kosmik İdarəsinin (NASA) rəsmiləri brifinqdə deyib.
"Martın 4-ü günortadan sonra Marsda ilk səyahətimizi etdik", - layihənin menecer müavini Robert Hoqq deyib. Ümumilikdə cihaz təxminən 6,5 m məsafə qət edib.
NASA mütəxəssisləri Marsın səthindən nümunələrini götürmək üçün müxtəlif elmi cihaz və alətlərin quraşdırıldığı manipulyatoru da sınaqdan keçiriblər.