Naxçıvan Qızlar Liseyinə və Şərur Şəhər Fizika-Riyaziyyat Təmayüllü Liseyə şagird qəbulu elan edilib

NUHÇIXAN İnformasiya Agentliyi xəbər verir ki, Naxçıvan Muxtar Respublikası Təhsil Nazirliyi 2021-2022-ci tədris ili üçün Naxçıvan Qızlar Liseyinə və Şərur Şəhər Fizika-Riyaziyyat Təmayüllü Liseyə şagird qəbulu elan edir.

Naxçıvan Qızlar Liseyinə şagird qəbulu 2021-2022-ci tədris ili üzrə ümumtəhsil məktəblərinin V sinfində təhsil alacaq qız şagirdləri arasında, Şərur Şəhər Fizika-Riyaziyyat Təmayüllü Liseyə qəbul  isə ümumtəhsil məktəblərinin VII sinfində təhsil alacaq oğlan şagirdləri arasında müsabiqə yolu ilə aparılır.

Hər iki təhsil müəsissəsinə qəbul olmaq istəyənlər üçün sənəd qəbulu 1 aprel 2021-ci il tarixdən 25 may 2021-ci il tarixinədək qəbul ediləcəkdir.

Qızlar Liseyinə müsabiqə 11 iyun, Şərur Şəhər Fizika-Riyaziyyat Təmayüllü Liseyə 10 iyun 2021-ci il tarixdə Naxçıvan şəhər 5 nömrəli tam orta məktəbdə keçiriləcəkdir. Hər iki Liseyə qəbul üçün keçiriləcək müsabiqə test formatında aparılır. Muxtar respublika üzrə ən yüksək nəticə göstərən 60 şagird adı çəkilən liseylərə qəbul olunacaqdır.