Ümumi orta təhsil səviyyəsi üzrə buraxılış imtahanı iştirakçılarının nəzərinə
Dövlət İmtahan Mərkəzi ümumi (9 illik) orta təhsil səviyyəsi üzrə buraxılış imtahanının məzmunu və forması, həmçinin modelinə dair nümunələri yenidən təqdim edir.
DİM-dən NUHÇIXAN İnformasiya Agentliyinə bildirilib ki, bu imtahan bir mərhələdə keçirilir.
İmtahanda 85 tapşırıq təqdim edilir. İmtahan modelinin strukturu aşağıdakı kimidir:
|
Fənnin adı |
Tapşırıqların tipi və sayı |
|
Tədris dili |
- Dil qaydalarına dair 10 qapalı tapşırıq; - Oxuyub-anlamaya dair 2 mətn (bədii, publisistik) və hər mətnə aid 10 tapşırıq; bunlardan 8-i qapalı, 2-si cavabı kodlaşdırıla bilən açıq tipli (seçim) Cəmi: 30 tapşırıq |
|
Riyaziyyat |
- Qapalı tipli 21 tapşırıq; - Cavabı kodlaşdırıla bilən açıq tipli (hesablama) 4 tapşırıq Cəmi: 25 tapşırıq |
|
Xarici dil |
- Dinləyib-anlamaya dair 1 mətn (publisistik və ya dialoq formalı) və mətnə aid 6 tapşırıq; bunlardan 5-i qapalı və 1-i cavabı kodlaşdırıla bilən açıq tipli (seçim); - Dil qaydalarına dair 16 tapşırıq: bunlardan 14-ü qapalı və 2-si cavabı kodlaşdırıla bilən açıq tipli (seçim); - Oxuyub-anlamaya dair 1 mətn və mətnə aid 8 tapşırıq; bunlardan 7-si qapalı və 1-i cavabı kodlaşdırıla bilən açıq tipli (seçim) Cəmi: 30 tapşırıq |
İmtahan modelinə dair nümunələrlə DİM-in saytında tanış olmaq mümkündür.
Xatırladaq ki, Dövlət İmtahan Mərkəzi tərəfindən otk.az portalında yeni imtahan modelinə uyğun sınaq imtahanları keçirilir.