Naxçıvan Müəllimlər İnstitutunda tələbələrin əl işlərindən ibarət sərgi təşkil olunub

İnstitutun mətbuat xidmətindən NUHÇIXAN İnformasiya Agentliyinə bildirilib ki, sərgidə tələbələrin texnologiya dərslərində sərbəst mövzularda hazırladıqları əl işləri yer alıb. Sərgidə çıxış edənlər qeyd edib ki, sərbəst mövzularda hazırlanan əl işləri tələbələrin yaradıcı potensiallarının üzə çıxarılması və gələcək peşə fəaliyyətlərinin səmərəli qurulması baxımından çox əhəmiyyətlidir. Həmçinin sərgidə təqdim olunan əl işlərinin hazırlanma texnologiyaları və müraciət olunan mövzularla bağlı məlumat verilib.

Sonda institutun rektoru Azad Novruzov sərginin təşkilatçılarına təşəkkür edib və sərgiyə baxış olub.