V qrup üzrə ixtisas seçimi edəcək abituriyentlərin və ali məktəblərə qəbul olmaq istəyən subbakalavrların nəzərinə
Bu gün saat 15:00-da Dövlət İmtahan Mərkəzinin (DİM) feysbuk səhifəsi vasitəsilə Mərkəzin Direktorlar Şurasının sədri Məleykə Abbaszadə V ixtisas qrupu üzrə ixtisas seçimi edəcək abituriyentlərə, həmçinin ali təhsil müəssisələrinə qəbul olmaq istəyən subbakalavrlara ixtisas seçimi zamanı diqqət yetirməli olduqları məsələlər haqqında məlumat verəcək və onların suallarını cavablandıracaq.
Bu barədə NUHÇIXAN İnformasiya Agentliyinə DİM-dən məlumat verilib. İxtisas seçimi ilə əlaqədar olan sualları canlı yayım zamanı müvafiq postun altına yazmaq olar.