Abituriyentlər təsviri sənət və bədən tərbiyəsi istiqamətləri üzrə qabiliyyət imtahanını avqustun 27-də verəcəklər
Dövlət İmtahan Mərkəzi (DİM) tərəfindən ali təhsil müəssisələrinin bakalavriatura səviyyəsinə, o cümlədən ümumi (9 illik) və tam (11 illik) orta təhsil bazasında kolleclərə qəbul üçün keçirilən xüsusi qabiliyyət imtahanlarının tarixləri müəyyənləşib.
DİM-dən NUHÇIXAN İnformasiya Agentliyinə bildirilib ki, növbəti qabiliyyət imtahanları avqustun 27-də keçiriləcək. Abituriyentlər təsviri sənət (9 və 11 illik) və bədən tərbiyəsi (11 illik) istiqamətləri üzrə qabiliyyət imtahanı verəcəklər.
Abituriyentlər imtahanların tarixi ilə “Qabiliyyət imtahanına buraxılış vərəqəsi”ndə tanış olmalıdırlar.