IX siniflər üzrə buraxılış imtahanı və Azərbaycan dili imtahanının nəticələri iki gün ərzində elan olunacaq

Dövlət İmtahan Mərkəzi 2021-ci ildə keçirilmiş buraxılış imtahanlarında üzrlü səbəbdən iştirak edə bilməyən IX və XI sinif şagirdləri, eləcə də eksternat qaydasında imtahan verənlər üçün sentyabrın 9-da əlavə imtahan keçirib.

Mərkəzdən NUHÇIXAN İnformasiya Agentliyinə bildirilib ki, sentyabrın 9-da, həmçinin bu il keçirilmiş Azərbaycan dili (dövlət dili kimi) imtahanlarında iştirak edə bilməyən şagirdlər qeyd olunan imtahanı veriblər. IX siniflər üzrə buraxılış imtahanı və Azərbaycan dili imtahanının nəticələrinin yaxın 2 gün ərzində elan olunması nəzərdə tutulur.