Naxçıvan Dövlət Universitində ixtisasartırma kurslarını uğurla keçən orta məktəb müəllimləri təltif olunub
NUHÇIXAN İnformasiya Agentliyi xəbər verir ki, Naxçıvan Dövlət Universiteti Xarici dillər fakültəsində xarici dillər üzrə ixtisasartırma kurslarının müdavimlərinə sertifikatlar verilib. Tədbirdə universitetin Tədris və tərbiyə işləri üzrə prorektoru Rafiq Rəhimov bildirib ki, kursun keçirilməsində əsas məqsəd orta məktəb müəllimləri ilə universitet arasında əlaqələri genişləndirməkdir. Prorektor təlimdə iştirak edən hər kəsə öz təşəkkürünü bildirib.
Sonda kursu başa vuran müəllimlər universitet tərəfindən sertifikatla təltif ediliblər.
Qeyd edək ki, ötən tədris ilinin sonunda ali təhsil ocağında ingilis, rus, alman və fransız dilləri üzrə ixtisasartırma kursu keçirilib. İngilis və rus dili fənni üzrə 15 nəfərin iştirak etdiyi kursda 15 nəfər məqbul nəticə göstərib. Alman dili fənni üzrə 16 nəfər iştirak etdiyi kursda 14 məqbul nəticə, 15 nəfərin iştirak etdiyi kursda isə 11 məqbul nəticə əldə edilib.
Səadət Əliyeva