“Naxçıvan” Universitetində gənclərin motivasiya forumu keçirilib - FOTOLAR

NUHÇIXAN İnformasiya Agentliyi xəbər verir ki, Forumda universitetin “İqtisadiyyat” fakültəsinin tələbələri, eləcə də könüllü tələbələr iştirak edib.

Forumun keçirilməsində məqsəd gənclərin uğur qazanmaq üçün təşviq olunması, onların fəaliyyətini stimullaşdırmaq, şəxsi nizam-intizam vərdişlərinin formalaşdırılmasından ibarət olub.

Forumda motivator kimi iştirak edən Naxçıvan Muxtar Respublikası Sahibkarlar Konfederasiyası idarə heyətinin sədri, “Cahan Holdinq”in rəhbəri Vüqar Abbasov öz uğur yolundan bəhs edib. Onun sözlərinə görə, qarşıya qoyulan məqsəd və məqsəd uğrunda atılan uğurla addımlar nəticəsində ötən illər ərzində “Cahan Holdinq” Kommersiya Şirkətləri İttifaqı kiçik bir şirkətdən istehsal, ticarət, xidmət, inşaat sektorlarını əhatə edən böyük bir quruma çevrilə bilib. Hazırda bu qurumun tabeliyindəki müəssisələrin istehsal etdiyi məhsullar təkcə Azərbaycanda istehlak olunmur, həmçinin xaricə də ixrac edilir. Məqsəd "Cahan Holdinq"in fəaliyyət dairəsini daha da genişləndirərək beynəlxalq arenada sayılıb seçilən şirkətlərdən olmaqdır.

Vüqar Abbasov tələbələrin suallarını cavablandıraraq onlarla səmimi müzakirələr aparıb.

Sonda layihənin ideya rəhbəri, universitetin İnformasiya Kommunikasiya Texnologiyaları şöbəsinin əməkdaşı Şəfiqə İmanova forumun təşkilinə görə minnətdarlıq edib.

Mədinə Rəhimli