Naxçıvan Dövlət Texniki Kollecinin boş qalan yerlərinə qəbulda ən yüksək keçid balı 136 olub

2021-2022-ci tədris ili üçün ümumi orta (9 illik) təhsil bazasında orta ixtisas təhsili müəssisələrinin boş qalan yerlərinə qəbulda Naxçıvan Dövlət Texniki Kollecinə ən yüksək keçid balı dövlət sifarişi əsasında telekommunikasiya və kompüter sistemlərinin informasiya təhlükəsizliyi ixtisasına 136.0 olub.

NUHÇIXAN İnformasiya Agentliyi xəbər verir ki, bu barədə “Abituriyent” jurnalının xüsusi buraxılışında məlumat verilib. Kollecdə ən aşağı keçid balı isə aqrar (fermer) təsərrüfatının təşkili ixtisası üzrə (ödənişli əsaslarla) 108.7 olub.

Qeyd edək ki, 2021-2022-ci tədris ili üçün ümumi orta (9 illik) təhsil bazasında Naxçıvan Dövlət Texniki Kollecinin boş qalan yerlərinə dövlət sifarişi və ödənişli əsaslarla 10 ixtisas üzrə qəbul aparılıb.