Tələbə gənclər arasında müsabiqə elan olundu: “Müstəqillik illərində inkişafın Naxçıvan möcüzəsi”
NUHÇIXAN İnformasiya Agentliyi xəbər verir ki, müsabiqə Naxçıvan Dövlət Universiteti və Yeni Azərbaycan Partiyası Universitet şəhərciyi ərazi ilk Partiya Təşkilatının birgə təşkilatçılığı ilə elan olunub.
Layihənin əsas məqsədi ali və orta ixtisas təhsili müəssisələrində təhsil alan tələbələrin, magistr və doktorantların gözü ilə Naxçıvan Muxtar Respublikasının müstəqillik illərindəki yüksəliş və tərəqqi dövrünə nəzər salmaq, muxtar respublikamızın bütün sahələrindəki inkişafını, bu inkişafı həyata keçirən uğurlu strategiyanı öyrənmək və təbliğ etmək, bu sahədəki yaradıcılıq fəaliyyətinə dəstək vermək, iştirakçıların bacarıqlarını və ideyalarını üzə çıxarmaq, qədim və zəngin Naxçıvan tarixini müxtəlif yaradıcı materiallarla təqdim etməkdir.
Yaradıcılıq müsabiqəsində muxtar respublikanın ali və orta ixtisas təhsili müəssisələrinin tələbələri, magistr və doktorantları iştirak edə bilər.
Müsabiqə 2021-ci il oktyabr ayının 15-dən 2021-ci il dekabr ayının 5-dək keçiriləcəkdir. Yaradıcılıq müsabiqəsində iştirak etmək istəyən hər bir tələbə hazırladıqları işləri İşçi Qrupu tərəfindən yaradılmış elektron poçt ([email protected]) ünvanına göndərməli və ya Naxçıvan Dövlət Universitetinin əsas korpusunun 5-ci mərtəbəsindəki 502 nömrəli otağa təqdim etməlidir;
Qaliblər 16 dekabr 2021-ci il tarixdə mükafatlandırılacaqdır.