NDU tələbələri ilə görüş keçirilib - FOTOLAR

 NUHÇIXAN İnformasiya Agentliyi xəbər ki,  görüş  Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin  hamiliyinə verilmiş “Fiziki tərbiyə və çağırışaqədərki hazırlıq müəllimliyi” ixtisası üzrə təhsil alan tələbələrlə  keçirilib. Universitetin Pedaqoji fakültəsi ilə birgə keçirilən tədbirdə rektor Elbrus İsayev “Zəfər günü”müzün bir ili ərəfəsində keçirilən görüşü tələbələrin hərbi-vətənpərvərlik ruhunda tərbiyəsində mühüm amil olduğunu deyib.

Vurğulanıb ki, “Fiziki tərbiyə və çağırışaqədərki hazırlıq müəllimliyi” ixtisası tələbələrinin xidmətlə əməkdaşlığı nümunəvi qaydada həyata keçirilir.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, polkovnik Mirzə Cəlilov bildirib ki, tələbələr Əlahiddə Ümumqoşun Ordunun Təlim Tədris Mərkəzinin tədris bazasından istifadə edərək nəzəri və praktiki məşğələlər keçəcək, hərbi texnika və silahlarla yaxından tanış olacaq, silahlardan praktiki atışlar həyata keçirmək vərdişlərinə yiyələnəcəklər.

Tədbirdə Vətən müharibəsi qazisi baş leytenant Hüseyn Həsənov keçdiyi döyüş yolundan danışıb.

Zəfər gününün birinci ildönümü ilə əlaqədar torpaqlarımızın işğaldan azad edilməsində, tarixi qələbənin qazanılmasında göstərdiyi şücaət və qəhrəmanlığa görə baş leytenant Hüseyn Həsənov, Əyyub Sadıxov, gənclərə hərbi-vətənpərvərlik ruhunun aşılanmasındakı fəaliyyətlərinə görə Pedaqoji fakültənin dekanı Vəli Əliyev, Çağırışaqədərki hazırlıq və Mülki müdafiə kafedrasının müdiri Oktay Rzayev təşəkkürnamə, hərbi-vətənpərvərlik tədbirlərində fərqləndiyinə görə bir neçə tələbə fəxri fərmanla təltif edilib.

Səadət Əliyeva