Sınaq imtahanında istifadə edilən test tapşırıqlarının doğru cavab etalonları DİM-in saytında yerləşdirilib
Ali təhsil müəssisələrinə qəbul imtahanlarının ikinci mərhələsi üzrə dekabrın 19-da keçirilmiş sınaq imtahanında istifadə edilmiş qapalı və kodlaşdırma tələb edən açıq tipli test tapşırıqlarının doğru cavab etalonları Dövlət İmtahan Mərkəzinin saytında yerləşdirilib.
Bu barədə NUHÇIXAN İnformasiya Agentliyinə Mərkəzdən məlumat verilib. Bildirilib ki, hazırda imtahan materiallarının emalı aparılır. Yazılı cavab verilməsi tələb olunan açıq tipli tapşırıqların yoxlanılması uzun müddət tələb etdiyindən sınaq imtahanının nəticələrinin yaxın 10 gün ərzində elan olunması nəzərdə tutulur.