Naxçıvan Dövlət Universiteti tələbələri "OPEC" simulyasiyası təşkil ediblər - FOTOLAR
Naxçıvan Dövlət Universiteti İqtisadiyyat və idarəetmə fakültəsi, universitetin Tələbə Gənclər Təşkilatı, Tələbə Həmkarlar İttifaqı Komitəsinin təşkilatçılığı ilə ali təhsil ocağının Diplomatiya Mərkəzində "OPEC" simulyasiyası keçirilib.
NUHÇIXAN İnformasiya Agentliyi xəbər verir ki, tədbirdə tələbələr "OPEC"ə üzv olan 12 ölkəni və Azərbaycanı təmsil ediblər. Qeyd edilib ki, OPEC neft ixrac edən ölkələr tərəfindən neftin qiymətinin tənzimlənməsi məqsədilə yaradılan təşkilatdır. Bu təşkilatın üzvləri iqtisadiyyatı əsasən neftdən asılı olan dövlətlərdir. Çıxışlarda, həmçinin vurğulanıb ki, OPEC daim fəaliyyətdə olan qeyri-hökumət təşkilatı kimi 1960-cı il sentyabr ayının 10-14-də Bağdadda keçirilən konfransda yaradılıb. Təşkilatın qərargahı 1965-ci ildən Vyanada yerləşir.
Tələbələrin çıxışları dinlənilib və suallar cavablandırılıb. Tədbir qarşılıqlı diskusiya şəklində davam edib.
Sonda tələbələrin uğurlu çıxışları qiymətləndirilib, diplom və hədiyyələrlə mükafatlandırılıb.
Səadət Əliyeva