Naxçıvan Muxtar Respublikası Təhsil Nazirliyi Qızlar Liseyinə şagird qəbulu elan edir

NUHÇIXAN İnformasiya Agentliyi xəbər verir ki, Naxçıvan Muxtar Respublikası Təhsil Nazirliyi 2022-2023-cü tədris ili üçün Naxçıvan Qızlar Liseyinə şagird qəbulu elan edir.

Liseyə şagird qəbulu 2022-2023-cü tədris ili üzrə ümumtəhsil məktəblərinin V sinifində təhsil alacaq qız şagirdləri arasından müsabiqə yolu ilə aparılır.

Liseyə qəbul olmaq üçün aşağıdakı sənədlər tələb olunur:

- Şəxsiyyət vəsiqəsinin surəti

- 3x4 santimetr ölçüdə 2 ədəd fotoşəkil

- Valideynin ərizəsi

- Təhsil aldığı məktəbdən arayış

- Sağlamlıq haqqında arayış

Sənədlər 4 mart 2022-ci il tarixdən 25 aprel 2022-ci il tarixədək saat 9:00-dan 18:00-dək Naxçıvan Qızlar Liseyində qəbul ediləcəkdir.

Müsabiqə 14 may 2022-ci il tarixdə Naxçıvan şəhər 14 nömrəli tam orta məktəbdə saat 10:00-da keçiriləcəkdir.

Şagirdlərin nəzərinə çatdırılır ki, liseyə qəbul  üçün keçiriləcək müsabiqə test formatında aparılır. Müsabiqədə şagirdlərə Azərbaycan dili fənni üzrə 30, riyaziyyat fənni üzrə 30, ingilis dili fənni üzrə 10 olmaqla, ümumilikdə 3 fəndən 70 sual təqdim olunacaqdır.

 Müsabiqədə şagirdlərə 3 saat vaxt veriləcəkdir.

Muxtar respublika üzrə ən yüksək nəticə göstərən 60 şagird liseyə qəbul olunacaqdır.

Ünvan: Naxçıvan Qızlar Liseyi, İ.Məmmədov küçəsi 2

Əlaqə nömrələri: (036) 545-03-47;  (036) 545-23-62