Ali təhsil ocaqlarının tələbəri istehsalat təcrübəsi keçiblər - FOTOLAR
NUHÇIXAN İnformasiya Agentliyi xəbər verir ki, Naxçıvan Dövlət Universiteti və "Naxçıvan" Universitetinin aid ixtisaslarında təhsil alan tələbələr Naxçıvan Muxtar Respublikası Rabitə və Yeni Texnologiyalar Nazirliyində istehsalat təcrübəsi keçiblər.
Naxçıvan Muxtar Respublikası İnternet və Yeni Texnologiyaların Tədrisi Mərkəzinin Tədris bölməsində istehsalat təcrübəsi keçən tələbələrə slaydlar vasitəsilə veb saytların müasir üslubda tərtib edilməsi, şəbəkələr və sistem inzibatçılığı, həmçinin proqramlaşdırma dilləri və həmin proqramlaşdırma dillərinin müxtəlif kitabxanaları barədə ətraflı məlumat verilib.
Tələbələrə kompüterin texniki hissələri və digər avadanlıqlarının xüsusiyyətləri ətraflı izah olunub. Bunlarla yanaşı, analoq və rəqəmsal elektronika, süni intellekt, nanotexnologiya, robotexnika, mexatronika və 5G texnologiyaları barədə məlumatlar verilib. Tədris zamanı kompüterlərarası ünsiyyətdə və kompüterlərin yerli şəbəkələrə bağlanmasında istifadə edilən internet əlaqə kabellərinin birləşdirilməsi, həmçinin yeni nəsil avtomat telefon stansiyaları və onların iş prinsipləri ilə əyani tanışlıq olub, tələbələr avadanlıqların texniki göstəriciləri barədə məlumatlandırılıb.
Naxçıvan Muxtar Respublikası Radio-Televiziya Ötürücü Mərkəzində təcrübədə olan tələbələrə yeni mobil şəbəkə standartları, rəqəmli televiziya və peyk yayımı, tezlik diapazonları və zolaqları barədə ətraflı məlumat verilib. “Naxçıvanpoçt”da isə tələbələr bu sahədə göstərilən digər xidmətlərlə tanış olublar.
Xosrov İbrahimov