Respublika fənn müsabiqələrinə qeydiyyat sabah yekunlaşır

Aprelin 3-də ümumtəhsil müəssisələrinin VI-VII sinif şagirdləri arasında keçiriləcək respublika fənn müsabiqələrinin rayon (şəhər) mərhələsinə qeydiyyat yekunlaşır.

Təhsil İnstitutundan NUHÇIXAN İnformasiya Agentliyinə bildirilib ki, müsabiqəyə qeydiyyat müddəti martın 18-i saat 12:00-dək davam edəcək. Qeydiyyat https://portal.edu.az/ platforması üzərindən həyata keçirilir.

Qeyd edək ki, müsabiqə fizika, kimya, biologiya, riyaziyyat və informatika fənləri üzrə keçiriləcək.

Fənn müsabiqələrinin keçirilməsində əsas məqsəd istedadlı uşaqların aşkar olunması, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması və beynəlxalq olimpiadalara hazırlıq mərkəzlərinə namizəd şagirdlərin müəyyən edilməsindən ibarətdir.