Respublika fənn müsabiqələrinə qeydiyyat bu gün yekunlaşır
Ümumtəhsil müəssisələrinin VI-VII sinif şagirdləri arasında aprelin 3-də keçiriləcək respublika fənn müsabiqələrinin rayon (şəhər) mərhələsinə qeydiyyat yekunlaşır.
Təhsil İnstitutundan NUHÇIXAN İnformasiya Agentliyinə bildirilib ki, müsabiqəyə qeydiyyat müddəti martın 18-i saat 12:00-də başa çatır. Fənn müsabiqələrinin keçirilməsində əsas məqsəd istedadlı uşaqların aşkar olunması, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması və beynəlxalq olimpiadalara hazırlıq mərkəzlərinə namizəd şagirdlərin müəyyən edilməsindən ibarətdir.
Qeyd edək ki, müsabiqə fizika, kimya, biologiya, riyaziyyat və informatika fənləri üzrə keçiriləcək.