Kənd təsərrüfatının inkişafı ilə bağlı kitabın təqdimatı olub - FOTOLAR

NUHÇIXAN İnformasiya Agentliyi xəbər verir ki, “Naxçıvan” Universitetinin “Ümumi tarix” kafedrasının müəllimi, tarix elmləri doktoru, dosent Xəzər Hüseynovun müəllifi olduğu “Naxçıvan Muxtar Respublikasında aqrar sahənin inkişaf tarixi (1924-2020-ci illər)” kitabının təqdimatı keçirilib.

Tədbirdə universitetin rektoru, dosent Nurlana Əliyeva yeni dərsliyin müvafiq ixtisaslar üzrə mütəxəssislər və pedaqoji heyət üçün faydalı olacağını bildirib, müəllifə təşəkkür edib.

Digər çıxış edənlər yeni dərsliklə bağlı məlumat veriblər. Bildirilib ki, dərslikdə yer alan mövzular Naxçıvanda kənd təsərrüfatının ümumi vəziyyətinə həsr olunub.

Yekunda kitabın müəllifi, tarix elmləri doktoru, dosent Xəzər Hüseynov göstərilən diqqətə görə təşəkkürünü bildirib.

Qeyd edək ki, dərslikdən tarixçilər, iqtisadçılar, ümumtəhsil məktəblərində çalışan müəllimlər, tələbələr, təhsil işçiləri, tədqiqatçılar, magistr və doktorantlar faydalana bilərlər.

Aynur Əliyeva