“Gəncliyin missiyası: dövlətçiliyə sədaqət” layihəsi çərçivəsində tədbir keçirilib - FOTOLAR
Naxçıvan Dövlət Universitetində Yeni Azərbaycan Partiyası Universitet Şəhərciyi Ərazi Partiya Təşkilatı və ali təhsil ocağının Tələbə-Gənclər Təşkilatının birgə təşkilatçılığı ilə “Gəncliyin missiyası: dövlətçiliyə sədaqət” layihəsi çərçivəsində növbəti tədbir universitetin İqtisadiyyat və idarəetmə fakültəsində təşkil olunub.
NUHÇIXAN İnformasiya Agentliyi xəbər verir ki, tədbirdə YAP Universitet Şəhərciyi Ərazi Partiya Təşkilatının sədri Arzu Abdullayev əsası ulu öndər tərəfindən qoyulan dövlət gənclər siyasətinin nəticəsində ölkəmizdə idarəetmə bacarığı ilə seçilən intellektual, dünyagörüşlü, yeni vətənpərvər nəsil yetişdiyini deyib. Məhz buna görə müzəffər Ali Baş Komandan İlham Əliyevin rəhbərliyi altında ötən il Azərbaycan Ordusu Ermənistanın təxribatlarına cavab olaraq 44 gün ərzində düşmənə layiqli cavab verdi, dəmir yumruğunu göstərdi.
Universitetin rektoru Elbrus İsayev qeyd edib ki, milli dövlətçiliyin möhkəmləndirilməsi və inkişaf etdirilməsi, demokratik cəmiyyət quruculuğu, siyasi, hüquqi və iqtisadi islahatların həyata keçirilməsi ilə bağlı ümummilli lider Heydər Əliyevin ideyaları və irəli sürdüyü prinsiplər Azərbaycanın hazırkı və gələcək inkişaf strategiyasının əsasını təşkil edir. Gənclik ulu öndər tərəfindən əsası qoyulan gənclər siyasətini uğurla həyata keçirən ölkə Prezidenti ətrafında sıx birləşib milli təəssübkeşlik, vətənpərvərlik nümunəsi ortaya qoyur.
Səadət Əliyeva