Abituriyentlər imtahanlarda istifadə olunmuş test tapşırıqlarını və onların izahını əldə edə bilər

I və IV ixtisas qrupları üzrə ali təhsil müəssisələrinə qəbul üçün iyunun 4-5-də keçirilən imtahanlarda istifadə olunmuş test tapşırıqlarının izahını əldə etmək mümkündür.

Bu barədə NUHÇIXAN İnformasiya Agentliyinə Dövlət İmtahan Mərkəzindən məlumat verilib. Bildirilib ki, imtahanda istifadə olunmuş test tapşırıqlarının izahının elektron versiyasını (PDF formasında) DİM-in internet saytının “Xidmətlər” bölməsində > “E-xidmətlər” > “DİM-in nəşrlərinin elektron versiyalarının onlayn satışı” > “Test tapşırıqlarının izahı” xidməti vasitəsilə ödəniş əsasında əldə etmək mümkündür. (Xidmətə keçid: http://eservices.dim.gov.az/ejurnal/ ).

Xatırladaq ki, həmin hissədə mayın 21-22-də keçirilən II və III ixtisas qrupları üzrə imtahanlarda istifadə olunmuş test tapşırıqlarının da izahı yerləşdirilib.