DİM-in elan etdiyi 6 müsabiqəyə sənəd qəbulu davam edir

Naxçıvan Muxtar Respublikası Dövlət İmtahan Mərkəzinin mətbuat xidmətindən NUHÇIXAN İnformasiya Agentliyinə verilən məlumata görə, ötən ay Meliorasiya və Su Təsərrüfatı Açıq Səhmdar Cəmiyyətinə, dövlət ümumtəhsil müəssisələrinə, Naxçıvan Musiqi Kollecinə, AMEA-nın Naxçıvan bölməsinə, dövlət qulluğu üzrə inzibati vəzifələrin 5-7-ci təsnifatına və Səhiyyə Nazirliyinin tabeliyindəki müəssisələrdə vakant vəzifələrin tutulması üçün müsabiqələr elan olunub. Hal-hazırda müsabiqələrə sənəd qəbul davam edir.

Həmçinin ötən ay dövlət teleradiolarında vakant vəzifələrin tutulması üçün elan edilmiş müsabiqənin esse imtahanı keçirilib. İmtahanın nəticələrinə əsasən namizədlərdən 2-si uğur qazanaraq sənədləri aidiyyəti üzrə göndərilib.

Ölkəmizdə ilk dəfə olaraq məktəbəqədər tərbiyə müəssisələrinə işə qəbul üçün keçirilən müsabiqədə tərbiyəçi müəllim vəzifəsi üzrə 28, musiqi rəhbəri vəzifəsi üzrə 8, tibb bacısı vəzifəsi üzrə 2 namizəd uğur qazanıb və sənədləri aiddiyəti üzrə göndərilib.

İyun ayında Dövlət İmtahan Mərkəzi tərəfindən təşkil olunmuş dövlət qulluğuna qəbul üçün hazırlıq kurslarında 43, müəllimlərin işə qəbulu üçün hazırlıq kurslarında 21 olmaqla, ümumilikdə, 64 nəfər, keçirilən sınaq imtahanlarında isə 175 nəfər iştirak edib.