Naxçıvanda müəllimlər üçün ixtisasartırma kursları təşkil olunub - FOTOLAR

Naxçıvan Muxtar Respublikası Təhsil Nazirliyi tərəfindən təhsilverənlərin informasiya-kommunikasiya texnologiyaları üzrə bacarıqlarının yüksəldilməsi məqsədilə tədbirlər görülür, onlar üçün ixtisasartırma kursları təşkil olunur. NUHÇIXAN İnformasiya Agentliyi xəbər verir ki, bu tədbirlərin davamı olaraq ümumtəhsil məktəblərində çalışan müəllimlər üçün “Elektron lövhə istifadəçisi” və “Kompüter istifadəçisi” ixtisasartırma kursları təşkil edilib.

Naxçıvan Şəhər Peşə Liseyində təşkil olunan kurslara 40 müəllim cəlb olunub. 1 ay davam edəcək kursda müəllimlərə kompüter texnologiyasının əsasları, sistem proqram təminatı, İKT proqramları, tətbiqi proqramlar, eləcə də “Smart Notebook” proqramı və kompüter, proyektor və elektron lövhə arasında əlaqə fənləri öyrədiləcək.

Kursları uğurla bitirən müəllimlərə sertifikatlar veriləcək.

Novruz Məmmədov