IV ixtisas qrupu üzrə ali məktəblərə qəbul imtahanında 4062 abituriyentin iştirakı nəzərdə tutulur

Dövlət İmtahan Mərkəzinin (DİM) iyulun 21-də IV ixtisas qrupu üzrə ali təhsil müəssisələrinə keçirəcəyi qəbul imtahanlarında (II cəhd) 4062 abituriyentin iştirakı nəzərdə tutulur.

Bu barədə NUHÇIXAN İnformasiya Agentliyinə DİM-dən məlumat verilib. Bildirilib ki, imtahanlar saat 10:00-da başlanacaq. Saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmır. Kütləviliyin qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Xatırladaq ki, iyulun 21-də I və IV ixtisas qrupları üzrə ali təhsil müəssisələrinə keçirəcək qəbul imtahanları (II cəhd) respublikanın 16 şəhər və rayonunda təşkil ediləcək.