Riyaziyyat fənni üzrə əlavə test imtahanı ilə bağlı apellyasiya müraciətlərinə start verilib

Bu gün saat 15:00-dan etibarən riyaziyyat fənni üzrə əlavə test imtahanlarında iştirak etmiş namizədlər şəxsi səhifələrində aktivləşdirilən müvafiq xanaya daxil olaraq 48 saat (2 gün) ərzində apellyasiya müraciəti edə bilərlər.

Bu barədə NUHÇIXAN İnformasiya Agentliyinə Təhsil İnstitutunun İnsan Resursları Mərkəzindən məlumat verilib. Bildirilib ki, namizədlər müvafiq xanaya müraciətlərinin məzmununu ətraflı şəkildə qeyd etməlidirlər.

Apellyasiya müraciəti komissiya tərəfindən araşdırıldıqdan sonra müvafiq cavab namizədlərin şəxsi səhifələrinə göndəriləcək.