IV ixtisas qrupu üzrə imtahanda bir nəfər 700 bal toplayıb
Dövlət İmtahan Mərkəzi (DİM) tərəfindən I və IV ixtisas qrupları üzrə iyulun 21-də keçirilmiş qəbul imtahanlarının nəticələri elan edilib.
DİM-dən NUHÇIXAN İnformasiya Agentliyinə bildirilib ki, IV ixtisas qrupu üzrə ən yüksək nəticəni (400 bal) 10 nəfər göstərib. İmtahanda 400 bal toplayan Bakı şəhər 125 saylı orta məktəbin məzunu hər iki mərhələnin cəminə görə maksimal olan 700 bal toplayıb. Həmin şagird imtahanın birinci mərhələsində 300 bal toplamışdı.