Tələbələr istehsalat təcrübəsinə cəlb olunurlar - VİDEO

“Naxçıvan” Universitetinin “İnformasiya texnologiyaları” ixtisası üzrə təhsil alan tələbələri Naxçıvan Muxtar Respublikası Rabitə və Yeni Texnologiyalar Nazirliyində və onun tabeli qurumlarında istehsalat təcrübəsi keçir, informasiya-kommunikasiya texnologiyaları sahəsində müvafiq peşə biliklərinə yiyələnirlər.

Təcrübə zamanı tələbələrə slaydlar vasitəsilə veb saytların müasir üslubda tərtib edilməsi, şəbəkələr və sistem inzibatçılığı, proqramlaşdırma dilləri və həmin proqramlaşdırma dillərinin müxtəlif kitabxanaları və ixtisaslarına uyğun texnologiyalar barədə ətraflı məlumat verilir.

Naxçıvan televiziyasının əməkdaşları mövzu ilə bağlı videomaterial hazırlayıblar.

NUHÇIXAN İnformasiya Agentliyi həmin videomaterialı təqdim edir:

Leyla Cəfərzadə