Məktəblərdə payız tətilinin tarixləri açıqlanıb
Noyabrın 16-dan 2022-2023-cü tədris ili üzrə ümumi təhsil müəssisələrində beşgünlük payız tətili başlayacaq.
Bu barədə NUHÇIXAN İnformasiya Agentliyinə Elm və Təhsil Nazirliyindən məlumat verilib.
Bildirilib ki, payız tətili noyabrın 16-dan 20-dək olan günləri əhatə edir. Bu tətil ümumi təhsil müəssisələrinin məktəbəhazırlıq qruplarına da şamil edilir.
Payız tətili “Ümumi təhsil müəssisələrində tədris ilinin müddəti”nin təsdiq edilməsi haqqında” Nazirlər Kabinetinin 2020-ci il 24 fevral tarixli 66 nömrəli Qərarının tələblərinə uyğun olaraq müəyyən edilib.