Tələbə bəstəkarlar konsert proqramı təqdim ediblər - FOTOLAR

NUHÇIXAN İnformasiya Agentliyi xəbər verir ki, Naxçıvan Dövlət Universitetinin İncəsənət fakültəsində tələbə bəstəkarların konserti təqdim edilib.

Konsert proqramı barədə məlumat verən Musiqi nəzəriyyəsi və tarixi kafedrasının müdiri, sənətşünaslıq elmləri doktoru İnara Məhərrəmova bildirib ki, bəstəkarlıq bacarığı olan tələbələr ixtisasları üzrə həm nəzəri, həm də praktiki cəhətdən ixtisaslaşırlar.

İncəsənət fakültəsinin II kurs tələbəsi Fatma Heydərova “Azərbaycan bəstəkarlıq məktəbi” mövzusunda çıxış edib.

Sonra tələbələrin ifasında konsert proqramı təqdim edilib.

Konsertdə tələbə bəstəkarların repertuarından “Prelüd və vals”,  “Dekabr”, “Prelüd və kiçik pyes”, “Mövzu ilə variasiyalar”, “Xəyal”, “Sevgi nəğməsi”, “Səyavuş” və digər ifalar səsləndirilib.

Konsert proqramının ardınca dahi bəstəkar Üzeyir Hacıbəyovun həyat və yaradıcılığına həsr olunmuş videoçarx izlənilib.

Universitetin rektoru Elbrus İsayev tələbə bəstəkarların konsertinin universitet həyatında bir ilk olduğunu bildirərək gənc bəstəkarları təbrik edib, onlara gələcək fəaliyyətlərində uğurlar arzulayıb.

Əli Yarıyev