Şagirdlər I respublika onlayn incəsənət müsabiqə-festivalında iştirak edəcək - FOTOLAR
NUHÇIXAN İnformasiya Agentliyi xəbər verir ki, Azərbaycan Respublikası Elm və Təhsil Nazirliyinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində Türkdilli dövlətlərin məktəbliləri arasında “Xəmsə möcüzəsi” I respublika onlayn incəsənət müsabiqə-festivalının region mərhələsi keçirilib.
Müsabiqə-festival 11-17 yaş arası istedadlı şagirdlər arasında iki yaş qrupunda keçirilib.
Müsabiqə-festival çərçivəsində “Xəmsə” musiqidə, “Xəmsə” bədii qiraətdə, “Xəmsə” dramda, “Xəmsə” təsviri sənət və dekorativ tətbiqi-sənətdə və “Nizami Gəncəvi yaradıcılığında ümumbəşəri dəyərlər” inşa müsabiqələri keçirilib.
Müsabiqələrdə muxtar respublika üzrə 39 məktəb olmaqla, ümumilikdə 125 şagird iştirak edib.
Müsabiqələrin hər biri üzrə qaliblər müəyyənləşdirilib.
Region mərhələsində hər iki yaş qrupu və nominasiyalar üzrə birinci yeri tutmuş iştirakçılar final mərhələsinə vəsiqə qazanıblar.