AMEA ilk dəfə beynəlxalq elmi qurumun üzvlüyünə qəbul edilib
Azərbaycan Milli Elmlər Akademiyası (AMEA) Asiya Elmlər Akademiyaları və Cəmiyyətləri Assosiasiyasının (AASSA) üzvlüyünə qəbul edilib.
AMEA-dan NUHÇIXAN İnformasiya Agentliyinə verilən məlumata görə, bu barədə AASSA-dan göndərilən məktubda bildirilib.
Qeyd edilib ki, bu, Azərbaycan Milli Elmlər Akademiyasının rəsmi olaraq tərkibinə daxil olduğu ilk beynəlxalq qurumdur. Baş ofisi Cənubi Koreyanın Seul şəhərində yerləşən Asiya Elmlər Akademiyaları və Assosiasiyaları Cəmiyyəti 34 ölkənin Elmlər akademiyalarını əhatə edir.