Təhsil krediti almaq üçün 17 mindən çox tələbə müraciət edib
Elm və Təhsil Nazirliyi təhsil tələbə kreditləri (TTK) ilə bağlı yekun statistikanı açıqlayıb.
Nazirlikdən NUHÇIXAN İnformasiya Agentliyinə bildirilib ki, təhsil tələbə kreditlərinin verilməsinə başlanıldığı 2021-ci il noyabrın 25-dən cari ilin noyabrın 30-dək fonda 17 mindən çox tələbə müraciəti daxil olub. 2022-2023-cü tədris ilinin payız semestri üzrə 7 mindən çox tələbə müraciət edib. Onlardan 4265 tələbənin müraciəti rəsmiləşdirilib. Həmin müraciətlər üzrə 1641 nəfər sosial TTK, 2624 nəfər isə standart TTK-dan yararlanıb.