Tələbələrin nəzərinə: təhsil krediti almaq üçün qeydiyyat bu gün yekunlaşır

Fevralın 16-sı saat 00:00-dan etibarən 2022-2023-cü tədris ilinin payız semestri üzrə təhsil tələbə krediti üçün qeydiyyat yekunlaşacaq.

Bu barədə NUHÇIXAN İnformasiya Agentliyinə Elm və Təhsil Nazirliyindən məlumat verilib. Qeyd olunub ki, yaz semestri üzrə təhsil krediti almaq istəyən tələbələr notarial qaydada təsdiqlənmiş ərizə ilə Təhsil Tələbə Krediti Fonduna elektron formada müraciət edə bilərlər.

Payız semestri üzrə alınan notarial qaydada təsdiqlənmiş ərizə yaz semestri üçün də keçərlidir.

Qeyd edək ki, 2022-2023 tədris ilinin payız semestrində ümumilikdə 5560 tələbə təhsil kreditindən yararlanıb. Onlardan 2120-si sosial, 3440-ı standart kreditdir.