“Naxçıvan” Universitetində yeni kitabın təqdimatı keçirilib - FOTOLAR
“Naxçıvan” Universitetində “XX əsr Naxçıvan ədəbi mühiti” monoqrafiyasının təqdimatı keçirilib.
NUHÇIXAN İnformasiya Agentliyi xəbər verir ki, “Naxçıvan” Universitetin rektoru Anar Kazımov Nüşabə Məmmədovanın müəllifi olduğu monoqrafiyanı XX əsr Naxçıvan ədəbi mühitini öyrənən tələbələr və məzunlar, gələcəkdə karyerasını bu sahədə davam etdirməyi planlaşdıran tədqiqatçılar üçün mühüm vasitə kimi qiymətləndirib və müəllifi təbrik edib.
Universitetin tədris və tərbiyə işləri üzrə prorektoru, filologiya üzrə fəlsəfə doktoru, dosent Nurlana Əliyeva bildirib ki, kitabın əsasını Naxçıvanın görkəmli sənətkarlarının bədii axtarışlarının mahiyyətini ortaya çıxarmaq, Azərbaycan ədəbiyyatında yerini müəyyənləşdirmək, onun başlıca müvəffəqiyyət və nöqsanlarını aydınlaşdırmaq kimi mühüm məsələlər təşkil edir.
Filologiya üzrə fəlsəfə doktoru, dosent Arifə Zeynalova və magistrant Əminə Əhmədova çıxış edərək monoqrafiya barədə fikirlərini bildiriblər.
Çıxış edənlər “Naxçıvan” Universitetində “XX əsr Naxçıvan ədəbi mühiti” kitabını xüsusilə tələbələr üçün mühüm vasitə kimi qiymətləndiriblər.
Sevgili Mustafazadə