NDU-da “Heydər Əliyev - 100” başlıqlı sərgi açılıb - VİDEO

NUHÇIXAN İnformasiya Agentliyi xəbər verir ki, Naxçıvan Dövlət Universitetinin Elmi Kitabxanasında ulu öndər Heydər Əliyevin 100 illik yubileyinə həsr olunmuş sərgi açılıb.

Naxçıvan Dövlət Universitetinin rektoru Elbrus İsayev ümummilli lider Heydər Əliyevin 100 illik yubileyi ilə əlaqədar keçirilən sərginin professor-müəllim heyətinin elmi potensialının üzə çıxarılması və tələbələrin mütaliə bacarığının qiymətləndirilməsi baxımından önəmini qeyd edib. Qeyd olunub ki, sərgi il boyu nümayiş olunacaq və buradakı ədəbiyyatlardan müəllim və tələbələr daha səmərəli faydalanacaqlar.

Sonra sərgiyə baxış olub. Vurğulanıb ki, 200-ə yaxın kitab, jurnal, konfrans materialının nümayiş olunduğu sərgidə miniatür kitablar da yer alıb. Burada həmçinin rus, ingilis, ərəb, fars dillərində də ədəbiyyatlar öz əksini tapıb.

Universitetin professor-müəllim heyətinin və tələbələrinin elmi məqalələrinin də yer aldığı sərgidə 100-dən çox qəzet məqaləsi, 50-dən çox jurnalda nəşr olunan 300-dən artıq elmi məqalə və dissertasiya işi nümayiş olunur.

Səadət Əliyeva