NDU ilə ABİS Texnologiya şirkəti arasında beynəlxalq əməkdaşlıq müqaviləsi imzalanıb - FOTOLAR
NDU-nun Televiziya, mətbuat və ictimaiyyətlə əlaqələr bölməsindən NUHÇIXAN İnformasiya Agentliyinə bildirilib ki, görüşdə universitetin rektoru Elbrus İsayev və ABİS Texnologiya şirkətinin rəhbəri, Türkiyənin Orta Doğu Texniki Universitetinin professoru Adəm Kalınlı iştirak edib. Qeyd edilib ki, qloballaşma şəraitində yeni iqtisadi çağırışlara uyğun rəqabət qabiliyyətli mütəxəssislərin hazırlanması, insan kapitalının davamlı və dayanıqlı inkişafına nail olunması üçün ölkəmizdə ali təhsilin beynəlxalq təcrübəyə uyğun təkmilləşdirilməsi xüsusi aktuallıq kəsb edir.
Professor Adəm Kalınlı Türkiyə və Azərbaycan arasında elm sahəsində birgə əməkdaşlığın Naxçıvan Dövlət Universitetindən başlamaqla bütün Azərbaycan ali təhsil müəssisələrini də əhatə edəcəyini deyib.
Sonra ABİS texnologiya şirkəti ilə Naxçıvan Dövlət Universiteti arasında beynəlxalq əməkdaşlığa dair müqavilə imzalanıb.
Müqavilə çərçivəsində Türkiyənin Orta Doğu Texniki Universitetinin professoru Adəm Kalınlı NDU müəllimləri üçün 3 gün ərzində təlimlər keçib. Təlimlərdə iştirak edən bir qrup müəllimə sertifikat təqdim edilib.